Mikilvægt tækifæri

Nú er mjög gott og mikilvægt tækifæri að auka og efla birkiskógana á Íslandi. Fræmyndun hefur verið mjög góð undanfarin ár og í sumar hafa aðstæður verið mjög góðar.

Á haustin hefi eg safnað töluvert af birkifræi. Verst þykir mér hversu seinlegt er að safna því, kannski unnt sé að ná kannski í einn innkaupapoka á 3-5 tímum. Því er spurning hvort unnt sé að taka hentug tæki í sína þjónustu.

Nú eru komnar á markað sérstakar laufsugur. Hugsunin er að safna fallandi laufi af trjám. Þetta tæki mætti gjarnan nota til að safna birkifræi.

Nú þarf að hreinsa og þurrka fræið ef ætlunin er að geyma það eða senda. Fræið er viðkvæmt og ef því er pakkað inn í loftþéttar umbúðir er töluverð hætta á að myglan verði fræjunum að aldurtila. Sjálfur ligg eg yfirleitt ekki lengi með birkifræið heldur dreifi því þar sem það hefur möguleika á að spíra að vori og dafna.

Gaman væri ef unnt væri að endurheimta birkiskógana sem þöktu Mosfellsheiði langt fram á 17. öld. Í byrjun 18. aldar voru þessir skógar nánast gjörsamlega eyðilagðir. Þá er vænlegt að dreifa birkifræi í Svínahraun enda er það hraun klætt þykkum gamburmosa sem getur verið mjög góður grundvöllur fyrir birkiskóga.

Ástæða er til að hvetja rjúpnaveiðimenn að safna birkifræi og dreifa úti í víðáttunni. Með því væru þeir að skila einhverju til náttúrunnar sem rjúpurnar hafa einnig töluvert gagn af. Rjúpurnar kunna að njót skjólsins af birkiskóginum, etur gjarna fræ og dreifir enn meira. Ætli rjúpnaveiðimenn myndu ekki njóta meiri skilnings og betri velvildar ef þeir hugsuðu ekki aðeins um það að sækja í náttúru landsins en skila einnig til baka einhverju sem kemur gróðri og dýralífi að gagni.

Einhver kann að finna að því að hvetja til að dreifa birkifræi á heiðar og um hraun. Til þess er að svara að þar sem birki getur vaxið á Íslandi á það heima. En aðstæður eru oft þannig að náttúran á sjálf erfitt með að koma fræi þangað annað hvort með vindum eða fuglum himinsins.

Mosi

Hekluskógar biðja almenning um birkifræ

Tveir fingurbrjótar í fréttamennsku

Alltaf er miður þegar blaðamenn sem rita fréttir, gleyma gömlu góðu íslensku sögninni „að aka“. Hvers vegna í ósköpum er þessi gamla danska glósa „at køre“ yfirleitt ætíð tekin fram fyrir íslensku sögnina „að aka“.

Annar slæmur fingurbrjótur blaðamannsins er að bera í bætifláka ökumanns við ógætilegt aksturslag hans með því að taka svo til orða að viðkomandi hafi „missti stjórn á bifreið sinni“. Í framhaldi mætti auðvitað spyrja: Var einhver sem greip fram fyrir hendur ökumannsins? Ef svo hefði verið þá hefði verið nauðsynlegt að greina nánar frá því. Auðvitað hefði verið öllu eðlilegra að greina frá því að ökumaður hefði eftir öllum sólarmerkjum ekið of greitt, óvarlega eða einhverra annarra atvika, miðað við aðstæður.

Blaðamennska á ekki að vera þess eðlis að bera í bætifláka til að afsaka stöðu þess sem mistök verða á. Blaðamaður á að halda sig við staðreyndir máls hvernig sem þau kunna að vera. Svona frétt er því fremur lítils virði og fjölmiðlar mættu gjarnan leggja meiri áherslu á í framtíðinni að við verðum að koma í veg fyrir akstur vegna glannaskapar og kæruleysis ökumanna.

Betra væri að ganga, hjóla eða taka sér far með strætisvagni en að ökumenn láti standa sig af óafsakanlegu kæruleysi í umferðinni.

Mosi 

Keyrði á staur

Olíuverðið og samráð olíufélaganna

Fyrir nokkrum árum var sannað að olíufélögin hefðu með sér samráð um verðlagningu á þjónustu sinni.

Undanfarið ár hefur olíuverð farið mjög hækkandi og s.l. vetur og vor komst verðið í hæstu tölur sem sést hefur. Íslewnsku olíufélögin hafa verið óvenjulega samstíga með verð á eldsneytinu. Þau hafa verið mjög treg að lækka þegar verðið hefur lækkað en verið óvenjufljót að hækka jafnvel um leið og orðrómur kemst á kreik einhvers staðar í heiminum að verð hafi hækkað. Þá þegar hefur verðið hækkað hér heima.

Nú hefur heimsmarkaðsverðið hins vegar  lækkað mjög verulega án þess að verð hafi lækkað hér meira en 10% eða svo. þetta er mjög tortryggilegt. Á dögunum var birt yfirlit þar sem glögglega kemur í ljós að olíufélögin hafi greinilega með samráða halað inn sem nemur allt að 200 milljónum aukalega á mánuði með of hárri álagningu en verið hefur.

Fyllsta ástæða er til að verðlagsyfirvöld og Samkeppnisstofnun fari nú á kreik og skoði þessi mál. Oft er þörf en nú er nauðsyn enda er fátt sem ofarlega er á baugi nú í íslæensku samfélagi en að koma böndum á dýrtíðina sem grassað hefur án þess að nokkuð hefði verið unnt að hemja hana.

Ljóst er að græðgin er undirrót dýrtíðarinnar og allrar ógæfu Íslendinga!

Mosi 

 

Hráolíuverð niður fyrir 120 dali á ný

Komast Íslendingar alla leið að gullinu?

Faír spáðu Íslendingum góðu gengi í upphafi hinna ólympísku leika í Kína. En eftir hvern sigurinn á fætur öðrum náði liðið okkar, stolt okkar Íslendinga, að sigra hverja þjóðina á fætur annari. Að vísu tap gegn Suður Kóreu og jafntefli gegn Dönum og Egyptum.  Sigurinn gegn Pólverjum var óvæntur og byrjunin gegn Spánverjum var óvenjuleg: 5-0. Það var ótrúlegt.  Sigur Íslendinga í undanúrslitunum 36-30  var  mjög kærkominn!  Við eigum óvnejulega sterkt og úthaldsgott landslið í handbolta.

Frakkar eiga ábyggilega mjög erfiðan leik fyrir höndum ef þeir ætla sér að stoppa sigurgöngu okkar frábæra liðs! Þeir urðu að láta sér aðeins 2ja marka mun á sigri gegn Króötum nú í morgun.

Við óskum okkur öllum til hamingju og hugur okkar verður með liðinu okkar að 2 dögum liðnum. Óskandi er að lukkan verði áfram með drengjunum okkar!

Mosi 

Ísland hefur sett handboltakeppnina í Peking á annan endann

Oft kemur gaddavír að gagni

Gaddavírinn var fundinn upp á dögum Búastríðsins. Fljótlega eftir að farið var að framleiða hann í massavís var hafinn innflutningur hans til Íslands. Notkun hans við girðingar hafði gríðarleg áhrif. Í fyrsta skiptið gátu íslensk börn til sveita náð almennilegum svefni en áður fyrr voru börnin höfð til taks til að gæta að búsmala og stugga við honum til að hann læddist ekki í slægjurnar á næturnar.

Eftir að unnt var að tryggja heimahagann þokkalega náðu börnin að sofa á venjulegum tíma!

Um þessa uppfinningu og innflutning á framleiðslunni voru sett sérstök lög á Alþingi Íslending, „Gaddavírslögin“. Um ákvæði þeirri henti Halldór Laxness gott gaman af í Brekkukotsannál þar sem börnin græddu fé á því að stökkva yfir gaddavírsgirðingar en háar sektir kváðu á um að þverbrjóta þau lög.

L öngu seinna var tekin upp sá háttur t.d. í lögreglusamþykktum í þéttbýlinu, að ekki mætti nota gaddavír. Sennilega er ekki heimilt skv. lögreglusamþykkt Reykjavíkur að girða af bletti eða tún með gaddavír. En gaddavírinn getur komið að góðu gagni eins og í fréttinni segir. Annað ráð gegn innbrotsþjófum er að hlaða niður kaktusum í glugga. Innbrotsþjófur sem sér eintóma kaktusa fyrir innan glugga forðast að komast inn í híbýli ókunnugs fólks þá leiðina. Og þá er spurning hvort honum sé þá aðrar leiðir færar til að komast yfir verðmæti.

Alltaf er fróðlegt að heyra þegar brotamönnum yfirsést e-ð sem er svo augljóst.

Gaddavírinn kemur því oft að gagni! Ekki aðeins að hindra för búsmalans fyrr og síðar heldur einnig að hindra þjófa og annað illþýði í för þeirra.

Mosi

Festist í gaddavír

Líkt og í Róm til forna?

Hjá Rómverjum var það mikilvægast að hafa nóg framboð af brauði og leikum til að hafa ofan af alþýðunni. Spurning hvort sama eigi við nú. En þessi óvenjugóða frammistaða ísdelnska landsliðsins er sigur allrar þjoðarinnar en ekki aðeins vissra stjórnmálamanna sem hafa því miður ekki staðið sig nógu vel.

Það er því alltaf tortryggilegt þegar stjórnmálamenn vilja gjarnan útnýta sér velgengni í íþróttum með því að ná sér á strik til að uppfylla ekki nógu góða frammistöðu. Það má ekki vera, því þarna er fyrst og fremst um góða frammistöðu í íþróttum að ræða - en ekki stjórnmálum. Þar hafa því miður ekki náðst einu sinni viðunandi árangur og margt hefur verið ákveðið sem er þjóðinni til vansa.

Við erum hins vegar fámenn þjóð sem er mjög stolt af íþróttamönnunum okkar sem hafa sýnt af sér ótrúlegan árangur á ólympýsku leikunum í Kína.

Mosi 

 

Ráðherra boðar þjóðhátíð

Í hverju liggur misskilningurinn?

Nú hyggst Gísli Marteinn fara til útlanda og læra að verða borgarstjóri. Það er góðra gjalda vert en undarlegt er að hann ætlar að tvískipta sér rétt eins og Dr. Jecyll and mister Hyde: vera námsfús nemandi í háskólanámi flesta daga og koma öðru hverju eftir dúk og disk til Reykjavíkur til að taka þátt í stjórn borgarinnar!

Vandræðin í borgarstjórn Reykjavíkur stafa fyrst og fremst af því hversu borgarfulltrúar eru tiltölulega fáir. Þeir hafa verið 15 í nánast heila öld ef undan er skilið kjörtímabilið 1982-86 þegar þeim hafði verið fjölgað í 21 en sú nýskipan var ekki að skapi Davíðs Oddssonar meðan hann var borgarstjóri í Reykjavík. Störf borgarfulltrúa er í dag nánast fullt starf sökum þess hve fáir þeir eru. Á höfuðborgarsvæðinu búa nær 200.000 íbúar og í sveitarfélögunum öllum eru fulltrúar alls 65 að tölu. Lætur því nærri að um 3.000 íbúar séu að meðaltali að baki hverjum fulltrúa og þykir ekki ofrausn ef miðað er við stjórn annars staðar. Ef sama hlutfall væri í Reykjavík þyrfti að fjölga fulltrúum a.m.k. um 100% þannig að fjöldi þeirra verði 30 og jafnvel væri þörfin enn meiri ef vel á að standa að málum og sinna þeirri þjónustu betur sem fulltrúar eru kosnir til að gegna.

Fyrir 100 árum voru íbúar Reykjavíkur um 10.000 að tölu. Þá voru um 670 manns að baki hverjum bæjarfulltrúa. Þá voru verkefni Reykjavíkurbæjar fremur fá og einhæf. Nú eru íbúar borgarinnar að nálgast óðum 120.000 eða um 8.000 íbúar að baki hverjum borgarfulltrúa. Verkefni á sviði þjónustu gagnvart borgurunum eru nú margfalt fleiri og umfangsmeiri en fyrir 100 árum. Það er eins og hvorki Sjálfstæðisflokkurinn né Gísli Marteinn átti sig á þessari staðreynd. Að kjósa Gísla til sérstakra trúnaðarstarfa sem 2. varaforseti borgarinnar er því bein sýndarmennska og nær ekki nokkurri átt.

Ef Gísli kemst upp með svona nokkuð er um mjög slæmt fordæmi að ræða. Hvernig hyggst Sjálfstæðisflokkurinn bregðast við ef aðrir borgarfulltrúar hyggjast leggja stund á hliðstætt nám og Gísli og vilja einnig læra til borgarstjóra? Stjórnkerfið verður án efa meira og minna óvirkt meðan verið er að sækja sér menntunar erlendis. Mun meira vit hefði verið að Gísli hefði kallað varamann sinn inn í staðinn fyrir að stunda sýndarmennsku sem honum er kannski best við hæfi. Tillaga Mosa er að mynd af borgarfulltrúanum verði komið fyrir í stól fulltrúans þegar hann einhverra hluta vegna nær ekki fundi sökum anna.

Mosi 

 

 

Gísli Marteinn: Ákveðinn misskilningur í gangi

Villandi fyrirsögn

Fyrirsögn fréttar er ekki í samræmi við efni hennar.

Þar sem Mosi er mjög spenntur fyrir orkumálum og þá sérstaklega fyrir íslensku útrásinni þá vænti eg þess að eitthvað væri bitastætt í fréttinni: „Guðni sannkallaður hvalreki“. Fréttin hins vegar fjallar eingöngu um deilu sem varð vegna ráðningar Össurar á einum umsækjanda um starf forstöðumanns Orkustofnunar. Hvalreikinn er því enn ekki til frásagnar, ekkert reynist vera bitastætt í fréttinni.

Það gildir einu hver sé ráðinn í starf forstöðumanns. Venjulega er sá ráðinn sem hefur reynslu og þekkingu að reka stofnun. Viðkomandi þarf eiginlega ekkiað vera sérfræðingur á einhverju þröngu sviði eins og t.d. vatnamælingum en vita minna um aðra þætti sem mikilvægir eru innan stofnunarinnar.

Mosi varð því fyrir verulegum vonbrigðum með þessa frásögn úr bloggheimum Össurar. Alla vega hefði verið betur farið að segja fréttina eins og hún er en ekki bæta e-u öðru við.

Við verðum því að doka um stund eftir hvalrekanum, hvort sem frétt um hann birtist okkur að nóttu eða degi.

Mosi 

Össur: Guðni sannkallaður hvalreki

Skelfilegar fréttir

Ljóst er að stöðva verður Bush bandaríkjaforseta við að koma upp kjarnorkuvopnum í Póllandi og Litháen. Norðurlöndin og Þýskaland verða að leggjast á eitt enda er mikið í mun að koma í veg fyrir þá uggvænlegu þróun sem leiðir af kjarnorku og öðrum varhugaverðum vopnum. Eitt lítið slys eins og gerst hefur víða um heim, t.d. við Thule herstöðina á Norður Grænlandi ætti að verða öflug aðvörun.

Ef Rússar hervæðast kann það aftur að vekja ugg meðal Bush og þeirra hernaðarhyggjumanna sem ráða í Bandaríkjunum. 

Um þessi hernaðarmál verður að komast að samkomulagi. Ljóst er að hernaðarmáttur hinna ýmsu ríkja er slíkur að enginn græðir á styrjöld en allir tapa. Rétt er að kanna hvort ekki sé grundvöllur fyrir nýjum SALT samningum milli Rússa og Nató. Rússum er mikið í mun að komast hjá rándýrum hernaðarumsvifum enda á mörkunum að Rússar brauðfæði sjálfa sig.

Mosi 

Kjarnorkuvopn við Eystrasalt

Ummæli Merkel kanslara Þýskalands

Spurning hvernig Rússar taka ummælum sem þessum. Kannski eru þau í eðli sínu líkt og að nefna snöru í hengds manns húsi. Að öllum líkindum líta Rússar á þessi ummæli sem mjög grófa ögrun og afskipti af innanríkismálum sínum.

Þá er spurning hvort Nató geti ekki verið sett í erfiða stöðu að þurfa að taka þátt í innanríkisófrið. Það er að vísu fordæmi fyrir slíku þegar um var að ræða að koma á skikog lögum í fyrrum Júgóslafíu. Þá voru ríki gott svo vel að leysast upp. Rússland er aftur á móti enn mjög öflugt og því þarf að fara mjög gætilega. Aðgát skal höfð í nælrveru sálar.

Spurning er hvort alþjóðaráðstefnur gætu leyst mál sem þessi. Fyrir botni Miðjarðarhafsins eru endalaus vandræði sem því miður hafa kostað gríðarlegar mannfórnir án þess að nokkuð hafi miðað við að leysa þau vandræði til hlýtar. Því miður hafa deiluaðilar verið allt of iðnir við hefndina og grípa hvertminnsta tilefni að magna deilurnar enn meir.

Mosi 

„Georgía getur gengið í NATO"