Gott er að hafa tungur tvær og tala sitt með hvorri

Geir Haarde og Davíð Oddsson reyndust ekki nógu vel sem forystumenn þjóðarinnar. Þeir voru ekki sérlega sannfærandi í  byrjun síðasta árs þegar grafalvarlegar upplýsingar um stöðu bankanna kom fram. Örfáum dögum síðar koma þeir fram í fjölmiðlum og telja stöðu bankanna aldrei hafa verið sterkari.

Þaðer kannski betra er seint en aldrei að viðurkenna afglöp sín. Geir hefur gert það að nokkru en hefur ekki axlað neina ábyrgð með því að viðurkenna að hann hafi verið flæktur í falli bankanna. Davíð hefur sjálfur ekki viðurkennd nein mistök. Hvorugur hefur sýnt minnstu iðrun.

Að segja eitt í dag á lokuðum fundi og þjóðinni annað á morgun: Það eru forn sannindi að gott sé að hafa tungur tvær og tala sitt með hvorri!

Þjóðin á erfitt með og getur því ekki fyrirgefið þessi hrikalegu mistök sem Sjálfstæðisflokkurinn ber öðrum flokkum fremur ábyrgð á.

Mosi

Mistök gerð við einkavæðingu

Athugasemdir

[Kolla (IP-tala skráð) 27.3.2009 kl. 14:22]

Hér kemur þörf upprifjun af síðu Láru Hönnu frá í haust um gríðarlega spennandi tíma Sjálfstæðismanna, sem þeir eru væntanlega að upplifa núna.

Ég vil hundahreinsun fyrir kosningar á Alþingi.

[Guðjón Sigþór Jensson, 27.3.2009 kl. 16:58]

Bestu þakkir Kolla.

Hundahreinsun er góð svo langt sem hún nær. Ætli veiti nokkuð af allsherjarhreingerningu á Sjálfstæðisflokknum og stjórnendum hans svo hann þurfi ekki að sýna þjóðinni grútskítugan gunnfána sinn af siðleysi og gjörspilltri einkavæðingu.

Mosi