Háll sem áll

Enginn stjórnmálamaður hefur haft jafnmikil áhrif undanfarin ár á íslenskt þjóðlíf sem Davíð Oddsson, bæði til góðs og ills.

En Davíð er háll sem áll. Sennilega eru ekki margir sem hafa haft kenningar Macchiavellis jafn vel í huga og nýtt sér sem fyrirmynd og Davíð.

Hann er með slóttugri stjórnmálamönnum heims og beitir öllum tiltækum ráðum til að koma sér úr þeirri klípu sem hann hefur komið sjálfum sér í.

„Með ofháum stýrivöxtum voru lífskjörin fölsuð“ sagði Guðmundur Ólafsson hagfræðingur á prýðisgóðri ráðstefnu um kreppuna á vegum Kjalarnesprófastsdæmis fyrr í mánuðinum í Norræna húsinu. Nú hafa stýrivextirnir háu snúist upp í andhverfu sína með þeim skelfingum sem við sitjum uppi með - ásamt Davíð.

Mosi

SÍ naut trausts erlendis

Athugasemdir

[Skeggi Skaftason, 24.2.2009 kl. 22:20]

Einu mistökin sem hann viðurkenndi voru þau að Seðlabankinn hefði ef til vill mátt leggja minni áherslu á verðbólgu og tryggja frekar að krónan væri ekki allt of hátt skráð.

Bætti svo við að enginn af færustu sérfræðingum hefði nefnt þetta. Einmitt það já. Enginn kvartaði undan alltof háum vöxtum sem ekkert hreyfðu við þenslu en héldu krónunni alltof hárri.

Þetta viðtal sýndi ýmislegt, aðallega tvennt:

 - að DO á að víkja úr sínu embætti

 - að Kastljós er vonlaus fréttaskýringaþáttur

(maður spyr sig t.d. hvaða menntun og undirstöðuþekkingu í hagfræði og peningamálum er spyrillinn með, sem er settur í að yfirheyra Seðlabankastjóra í 45 mínútur?)