Ólæti eru ekki til framdráttar

Þó ótalmargt sé unnt að finna að störfum Fjármálaeftirlitisins þá er of langt gengið að sýna óvirðingu með grjótkasti og rúðubrotum.

Enginn ber neinn hag af slíku og það er ekki til framdráttar mótmælum sem eiga að vera friðsöm.

Mjög mikilvægt er að lögreglan hafi hendur í hári grjótkastara enda getur grjót í höndum óvita verið stórhættulegt.

Allir bera að huga að afleiðingum gerða sinna. Friðsöm mótmæli bera árangur þó sent sé. Þau eru auðvitað tímafrekari.

Mosi

Rúður brotnar

Athugasemdir

[Sigurður H (IP-tala skráð) 18.12.2008 kl. 11:14]

Óvirðing!?!

þessi færsla þín er óvirðing við alla landsmenn.

það hefur sýnt sig og sannað að EKKERT gerist með hefðbundnum og "virðulegum" mótmælum, þá er það eitt eftir að svæla þetta fólk út sem hefur ekkert traust og enga VIRÐINGU með öllum tiltækum ráðum.

[Katrín Snæhólm Baldursdóttir, 18.12.2008 kl. 11:17]

Held að þetta fari nú ekkert batnandi....ráðamenn eiga sök á ástandinu. Sálfræðingar hafa ítrekað varað þá við að fólk láti ekki bjóða sér svona framkomu mjög lengi þegar reiðin og örvæntingin bullar undir niðri..en hafa stjórnvöld sýnt einhvern lit??

ó nei...

lesið þetta hér..    http://eyjan.is/goto/sme/.

[Púkinn, 18.12.2008 kl. 11:35]

Það eina sem svona aðgerðir leiða af sér er að þær gefa stjórnvöldum afsökun til að kalla mótmælendur "skríl" og taka ekkert mark á þeim.

[Úrsúla Jünemann, 18.12.2008 kl. 11:43]

Stjórnvöldin kölluðu mótmælandi fólk strax "skríll" eftir fyrstu mótmælunum sem voru þó afar friðsamleg, púki. Auðvitað vex reiði fólksins og mun vaxa áfram. Það þarf loksins að hlusta á kröfurnar og gera eitthvað.

En Tryggvi Jónsson er búinn að segja sig úr bankanum. Svo eitthvað eru "skrílslætin" farin að bera árangur.

[Eva Hauksdóttir (IP-tala skráð) 18.12.2008 kl. 12:38]

Það voru nákvæmlega engin ólæti þarna, þvert á móti var þetta mjög yfirveguð aðgerð. Húsið var opnað, án nokkurra láta. Mótmælendur láta ekkert loka sig úti.