Ósanngjarn samanburður

Talsmaður fjárplógsmanna við Mývatn telur sambærilegt að taka gjald af ferðamönnum hvort sem lagt hefur verið í fjárfestingar eða ekki.

Í Vatnshelli hefur öflugur stigi verið byggður þar sem öryggi ferðafólks er talið vera mjög mikið.

Í Námaskarði hefur ekki verið fjárfest í einni einustu fjöl til að greiða götu ferðamanna né forða þeim frá stórslysum!

Hefði talsmaður fjárplógsmanna fyrst lagt út í fjárfestingu að gera vinsælt ferðamannasvæði við Námaskarð aðgengilegt og öruggt gagnvart óhöppum þá hefði að öllum líkindum lítið verið amast við hófsamri gjaldtöku. Við skulum minnast þess að allt sem þarna hefur verið gert var fjármagnað af opinberu fé gegnum Ferðamannaráð.

Fjárplógsmenn ætla sér að verða ríkir á kostnað annarra rétt eins og „útrásarvíkingarnir“, nú á að féfletta ferðamenn án þess að veita þeim minnstu þjónustu! 

 

„Náttúrupassinn gekk ekki upp“

Athugasemdir

[Steinar Frímannsson (IP-tala skráð) 17.7.2014 kl. 20:54]

Það er e.t.v.  spurning hvort það sé skilyrði að það sé búið að fjárfesta svo og svo mikið til að réttlæta gjaldtöku.  Það er miklu frekar spurning hvort fólk er tilbúið til að borga.   Það fjárfestir enginn óvitlaus maður í svona nema tryggt sé að tekjur komi á móti.  Þannig að þessi viðmiðun virðist tryggja það að það verði aldrei gert neitt á ferðamannastöðum um ókomin ár.  
En annað er óhugnanlegt í þessu sambandi.   Í upphafi voru allir landeigendur sammála um gjaldtöku.  Mánuði síðar kemur krafa um löbann.   Þarna er nokkuð augljóslega um viðskiptaþvinganir að ræða.   Og í ljósi þess að heyrst hefur að SAF sé tilbúið að leggja fram nauðsynlega tryggingu,  þá er nokkuð ljóst hver stóð á bak við þvinganirnar.