Dæmigerð afstaða framsóknarþingmanns

Ljóst er að bæði Framsóknarflokkur og Sjálfstæðisflokkur hafa viljað sjá framlagða vantrausttillögu á ríkisstjórnina en ekki treyst sér sjálfir. Loksins þegar annar maður er búinn að missa þolinmæðina og kannski týna skynseminni og sannfæringunni, hlaupa þessir karlar og kerlingar Framsóknarflokks og Sjálfstæðisflokks og taka þessari tillögu fagnandi. En hvernig hyggjast Framsóknarflokkur og Sjálfstæðisflokkur hygla þingmanni þessum ef svo fer að tillagan verði samþykkt? Var kannski búið að semja um það?

Fyrir Framsóknarflokkinn og Sjálfstæðisflokkinn gildir einu hvernig unnið er í pólitík. Aðalatriðið er að komast aftur til valda og endurnýja helmingaskiptastjórn Framsóknarflokks og Sjálfstæðisflokks. Þá verður ekkert stopp á einkavæðingu, frjálshyggju og braski!

Valdabaráttan er alfa og omega Framsóknarflokksins og Sjálfstæðisflokksins, þar skipta almannahagsmunir engu.

Af ávöxtunum skulum við þekkja þá! 

Munu aldrei verja stjórnina

Athugasemdir

[Axel Jóhann Hallgrímsson, 20.2.2013 kl. 23:22]

Ég held að spurningin sé aðeins hvað kostaði þessi greiði marga silfurpeninga?

[Guðjón Sigþór Jensson, 21.2.2013 kl. 00:16]

Þessir 30 eru sagðir vera stöðugt í umferð. Hvers vegna ekki á Íslandi?

Mútur eru allt að því daglegt brauð í refskák stjórnmálanna, hvar sem er.