Farið var eftir landslögum

Ekkert hefur komið í ljós að réttur hafi verið brotinn á Geir Haarde. Farið í einu og öllu eftir lögum sem SJálfstæðisflokkurinn átti frumkvæði að á sínum tíma. Lögin um Landsdóm eru frá 1963 en voru upphaflega sett á sínum tíma þegar æðsta framkvæmdarvaldið var komið á fót með stofnun Stjórnarráðsins 1.2.1904.

Ákært var og dæmt með hliðsjón af þessum lögum og dómurinn þótti fremur mildur og Geir sýnt fyllsta tillitsemi þrátt fyrir að hann hafði sýnt af sér einstakt kæruleysi í aðdraganda hrunsins.

Að fullyrða um eitthvað annað er alvarleg sögufölsun. Auðvitað er viss hluti þjóðarinnar ekki sátt en hvað átti nað gera annað en að láta reyna á þessi lög þó forneskjuleg kunna að vera? Geir var skipsstjórinn á „Þjóðarskútunni“ sem strandaði á bankahrunsskerinu sem aftur var af leiðing að glannalegri fjármálastjórn Sjálfstæðisflokksins í aðdraganda bankahrunsins sem rekja má til einkavæðingar bankanna ásamt Kárahnjúkavirkjun átti meginþáttinn í þessari kollsteypu.

Að einhver þingmaður í Evrópu sem tengist afturhaldi nog frjálshyggjuvillu setji fram yfirlýsingar, þarf Sjálfstæðisflokkurinn ekki að taka sem einhvers konar fagnaðarboðskap. Bankahrunið var í boði SJálfstæðisflokksins. Á þeim bæ vissu menn gjörla eða máttu vita að einkavæðing bankanna og Kárahnjúkavirkjun olli skelfilegum afleiðíngum sem þeir vilja ekki kannast við.

Það er hins vegar mjög athyglisvert hvernig „hrunmannaklíkan“ vill móta skoðanir í samfélaginu. Síðastliðin ár hefur verið unnið að nóttu sem degi að grafa undan trausti núverandi ríkisstjórnar undir forsæti Jóhönnu Sigurðardóttur sem þrátt fyrir allt hefur náð okkur út úr hremmingunum hvað sem einhverjar sálarlausar íhaldssálir vilja halda fram.

Góðar stundir!

Málið gegn Geir misheppnað

Athugasemdir

[Elle_, 2.10.2012 kl. 22:20]

Landslög, kallar þú það.  Landslög segja nákvæmlega ekki neitt um að það megi ofsækja pólitíska andstæðinga fyrir ekkert eða fyrir pólitískar gjörðir eftir þeirra getu og vitund.  Og ég er 100% sammála hollenska þingmanninum. 

Það ætti hinsvegar að draga Jóhönnu og Steingrím fyrir sakadóm og af allt öðrum ástæðum en Geir var ranglega dreginn fyrir dóm.  Vonandi verður það gert og þau dæmd, fyrir fjölda mála.  Ætla að taka það fram að ég hef aldrei verið í Sjálfstæðisflokknum og ver Geir samt.

[Guðjón Sigþór Jensson, 2.10.2012 kl. 22:49]

Elle:

Hefurðu lesið yfir lögin um ráðherraábyrgð og Landsdóm? Og hefurðu lesið yfir dómsúrlausn Landsdóms? Leyfi mér að efast um það.

Hvernig þú snýrð út úr. Sjónarmið þitt er byggt meira á tilfinningarlegum sjónarmiðum en staðreyndum og rökum. Telurðu virkilega að Jóhanna og Steingrímur hafi gerst brotleg við sömu lög?

Þau sýndu ALDREI af sér neina linkun eða kæruleysi gagnvart málsástæðum þeim sem Geir var sakfelldur.

Þér ber að sýna betri rök sem byggð eru á staðreyndum en einhverjum röksemdum sem þú ert greinilega ekki tilbúin að setja fram.

[Elle_, 2.10.2012 kl. 23:00]

Nei, Mosi, ég er búin að lesa alveg nóg um þetta mál.  Þú hinsvegar lítur á það frá týpískum samfylkingarlegum toga. 

Og ekki rangtúlka það sem ég sagði um Jóhönnu og Steingrím, en ég sagði af allt öðrum ástæðum en Geir var dreginn fyrir dóm fyrir.  Segi enn, vonandi verða þau dregin fyrir dóm fyrir fjölda mála.  Og dæmd.  Svo er óskiljanlegur stuðningur þinn við svikula Jóhönnu og co.

[Elle_, 2.10.2012 kl. 23:01]

Loks, ég var ekki að snúa út úr neinu.

[Guðjón Sigþór Jensson, 3.10.2012 kl. 22:24]

Þessi hollenski þingmaður dregur ansi glannalegar ályktanir. Að spyrða saman mál Geirs Haarde og Júlíshenkó er fyrir neðan allar hellur.

Ákæran gegn Geir var mun alvarlegri en sem Júlíshenkó var ákærð fyrir. Dómurinn yfir Geir er léttvægur miðað við þann ótrúlega harða dóm sem Júlishencho varð fyrir.