Fulltrúar fortíðarinnar

Um hvað ætla þessir sjálfskipuðu riddarar fortíðarinnar að ræða við þá Alkóamenn? Oft hafa þeir fyrr hlaupið á sig en viðræðugrundvöllur nú er ekki fyrir hendi um fleiri álver á Íslandi.

Aðstæður í heiminum eru gjörbreyttar: orkuverð hefur hækkað mikið, unnt er að endurvinna mun meira ál en verið hefur og eru Bandaríkjamenn að átta sig á því. Mengunarkröfur eru einnig meiri en áður. Um hvað ætla þessir Bakkabræður að semja? Lækkað rafmagnverð og hækka á almenningsveitur?

Þessir þingmernn eru sjálfskipaðir riddarar fortíðar. Við erum á leiðinni út úr kreppunni sem m.a. var vegna byggingar Kárahnjúkavirkjunar og kolrangrar einkavæðingar bankanna. Við erum að sigla út á lygnari sjó en alltaf eru menn til í einhver furðuleg ævintýri.

Góðar stundir

Mosi

Vilja fund um Alcoa

Athugasemdir

[Óskar Guðmundsson, 18.10.2011 kl. 19:00]

Enn sem komið er þarf meiri orku til að endurvinna ál en við að framleiða "nýtt".

Safna saman, flokka, bræða, skilja og sjá til að íblöndunarefni og litur valdi ekki mengun osfrv.

Ekki tala um framtíðarlausnir í hugmyndum í sama vetfangi og nútímastaðreyndir 

Þar til að mannskepnan byrjar að boðra minna af kjöti og meira af mjölormum mun eftir sem áður einn stærsti mengunarvaldur heimsins vera olíubrennsla og ósóneyðing kjötfamleiðslu á heimsvísu.

[Guðjón Sigþór Jensson, 18.10.2011 kl. 19:58]

Hvernig rökstyður þú þetta Óskar?

Unnt er með hagræðingu að hafa söfnunarkostnað og allt transport í lágmarki. Talið er að aðeins 5% orku þurfi að bræða ál í endurvinnslu miðað við að vinna það úr hrááli. Þetta er með öðrum orðum: unnt er að nota sama magn raforku að endurvinna 20 tonn á móti hverju einu í hráálsferlinu. Þar er auðvitað mikil raforka við að vinna upphaflega hráefnið í áloxíð og að bræða það er einnig mjög mikil orkunotkun.

Talið er að endurunnið ál hafi sömu gæði og það ál sem unnið er úr hrááli.

Mosi