Einræði er blindgata

Hernaðarárás á loftvarnastöðvar og herstöðvar eftir samþykki Öryggisráðs SÞ eru ekki hryðjuverk. Það má hins vegar telja árás vopnaðra sveita Gaddafís á misjafnlega vopnaðra óbreyttra borgara sem gagnrýna hann og krefjast afsagnar hans af valdastóli.

Þessi furðufugl er fjarri raunveruleikanum. Hann hefur ríkt í skjóli valdaklíku sem rændi völdum fyrir langt löngu. Þjóðin hefur fengið nóg af svo góðu og vill efla lýðræði. Á undanförnum árum hafa vopnasalar makað krókiinn og selt Gaddafí og valdaklíku hans vopn fyrir margar milljónir evra. Hverjir skyldu þar eiga hlut að máli?

Í stað þess að stíga til hliðar og gefa líbísku þjóðinni eftir að ráða málum sínum hefur þessi einræðisherra orðið mikilmennskunni að bráð. Hann er eins og hvert annað afskræmi einræðisins sem á sér enga framtíð né velvild og skilning. Hann tilheyrir að öllum líkindum brátt öskuhaugi sögunnar.

Mosi

Líkir árásum við hryðjuverk

Athugasemdir

[Dagný, 22.3.2011 kl. 09:23]

Það réttlætir samt sem ekki afskipti vesturblokkarinnar.

[Guðjón Sigþór Jensson, 22.3.2011 kl. 21:21]

Dagný:

Hefðirðu viljað að leiguþý Gaddafýs fengi frjálsar hendur til þjóðernishreinsana eins og gerðist í Rúanda hérna um árið? Þessi maður er haldinn sömu meinlokunni og aðrir einræðisherrar: þjóðin er þeim einskisvirði í valdadraumum sínum.

Sem fyrst með þessa leppalúða á öskuhauga sögunnar!

Mosi

[Helgi Þór Gunnarsson, 27.3.2011 kl. 13:58]

Sæll Guðjón, ég er hjartanlega sammála þér, auðvita eigum við vesturlandaþjóðir sem og aðrar þjóðir að grípa inní, samanber við Hitler.

kær kveðja frá Eyjum.