Hvaða raunhæf lausn er best?

 

Margir innan VG eru tortryggnir gagnvart Efnahagsbandalagi Evrópu. Mér finnst þessi andstaða gegn EBE ekki vera byggða á raunhæfu ísköldu mati, fremur gamaldags sjónarmiðum og allt að því sveitamennsku, tengdri barnslegri trú á einfaldleikann og rómantík, að allir séu okkur góðir.

Með fyllstu virðingu fyrir öllum andstæðum skoðunum. Íslendingar geta aldrei vænst þess að verða herlaus frjáls þjóð NEMA sem aðildarríki EBE.

Lítum aðeins á augljósar staðreyndir:

Kínverjar hafa mikinn hug á því að efla hagsmuni sína í Evrópu og hafa þegar hafið undirbúning að því. Langfjölmennasta sendiráð á Íslandi verður innan mjög skamms tíma það kínverska. Þeir eru mjög líklegir að kaupa sér innan skamms hagsmuni t.d. gegnum kanadíska fjármálamanninn sem keypti á vægast sagt mjög umdeildan hátt með aðstoð íslenskra sporgöngumanna hvcorki meira né minna en 98,5% í HS Orku. Nú vill sami aðili náðsamlega „selja“ 25% til íslenskra aðila eða annarra sem vilja eiga viðskipti við hann.

Ef Kínverjar færu að efla umsvif sín hér á landi þá væri ekki langt að bíða þess að Bandaríkjamenn efldu einnig hagsmuni sína hér. Svo gæti farið að undir slíkum kringumstæðum yrði landið hernumið eina ferðina enn enda er Ísland aftur að verða mjög þýðingarmikill punktur með tilliti til hagsmuna siglinga- og verslunarhagsmuna einkum ef skipaleiðir opnast milli Evrópu og austur Asíu um Norðurhöf. Þá eru hagsmunir vegna verðmætra jarðefna eins og olíu og e.t.v málma í Heimskautslöndunum.

Það er af þessum ástæðum að við getum ekki leyft okkur þessa einföldun. Ísland er og verður hluti af þeim veraldleika sem heimurinn er.

En hvernig er að tengjast öðrum þjóðum mjög njáið? Erum við með eitthvað sameiginlegt með Kínverjum? Við eigum ævafornt tákn sameiginlegt: drekann sem er bæði tákn valdsins og óttans við því óráðna. Erum við „bandarískar eftirlegukindur“ eins og Guðbergur Bergsson vildi skilgreina okkur? Vonandi ekki.  Öðrum þjóðum erum við nær bæði hvað lífshætti, uppruna og vonandi hugsunarhátt og menningu. Evrópuþjóðirnar flestar þekkja eiginleika okkar, sem byggist af einstæðru þrjósku okkar en samfara dug og vinnuhörku.

Við verðum aldrei frjáls herlaus þjóð ef hér verður kapphlaup milli mestu hervalda heims. Þá verður ekki langt að bíða að mörgum smábóndanum þætti þröngt fyrir dyrum sínum.

Vinsamlegast með bestu kveðjum

Mosi

VG tekst á um ESB-inngöngu

Athugasemdir

[HP Foss, 29.11.2010 kl. 22:27]

Sæll Guðjón.

Ég er aðeins að grúska í gömlum fræðum og þar á meðal landnámsmönnum í minni heimasveit en meðfram því er ég að glöggva mig á vegagerðinni þar og datt í hug veglagning annarsstaðar. Veist þú til þess að það hafi verið vegur um Mosfellsheiði um 1235? Mér finnst einsog ég hafi heyrt það utanaf mér og tel helst það þú getir hjálpað mér því ég hef séð til þinna skrifa hér um langa hríð. Ef svo er finnst mér það merkilegt miðað við að þetta fór nú ekki að gerast í minni sveit fyrr en löngu síðar.

með kveðju

Helgi Pálsson

[Guðjón Sigþór Jensson, 5.12.2010 kl. 11:29]

Sæll Helgi og fyrirgefðu seinaganginn að svara.

Ætli vegagerð hafi verið lengra komið en þessar reiðleiðir sem eru víða? „Gamli Þingvallavegurinn“ var lagður á árunum 1890 og næstu ár á eftir, smáspottar hverju sinni. Í blaðinu Ísafold frá 1881 er grein eftir Jens Pálsson sem þá var prestur á Þingvelli og ræðir hann um leiðir um Mosfellsheiðina. Þá eru engir vegir þar utan reiðgötur.

Hringdu í mig við tækifæri og við getum spjallað betur. Get líka sýnt þér ýmsar heimildir og myndir.

Kv.

GJ

[HP Foss, 6.12.2010 kl. 21:48]

Takk fyrir þetta, ég hitti kannski á þig einhverntíman í Mosfellssveitinni góðu, á þar stundum leið til vinar míns Karls Tómassonar, sem ég veit að þú þekkir vel.

kveðja

Helgi Páls