Nútíma Stjórnarráð

Þessi nýja skipan Stjórnarráðsins er fyrir löngu tímabær. Við höfum verið með of mörg ráðuneyti þar sem verkefni hafa skarast.

Þegar Framsóknarflokkurinn og Sjálfstæðisflokkurinn voru við völd, voru ýmsar ástæður fyrir því að þessir flokkar tóku ekki þetta skref. Fyrir löngu hefur komið fram helmingaskiptafyrirkomulag þegar þessir flokkar hafa verið við völd í Stjórnarráðinu. Fyrir vinstra fólk er þetta auðveldara enda hagsmunagæsla um völdin ekki að flækjast fyrir.

Líklega á forysta innan Framsóknarflokksins og Sjálfstæðisflokksins eftir að klóra sig í handarbökin yfir því að það varð hlutverk vinstri manna að breyta þessu. Uppgjörið eftir bankahrunið mjakast þó hægt fari. Rannsókn hefur reynst torveldari enda ekki allir hlutaðeigandi par hrifnir af að verið sé að fletta ofan af ýmsu sem fyrri ríkisstjórn taldi vera í góðu lagi.

Við óskum nýju ríkisstjórninni til hamingju með skynsamlega ákvörðun. Verkefnin verða erfið og þá sérstaklega hjá Ögmundi sem tekur við mjög stóru ráðuneyti sem þarf að stýra af nærgætni en ákveðni og festu. Hins vegar er nokkur söknuður af þeim Rögnu og Gylfa sem hafa staðið sig mjög vel þó oft hafi verið stormasamt kringum þau einkum Gylfa.

Með bestu vonum um að vel takist vel til.

Mosi

Fjórir á leið úr ríkisstjórn

Athugasemdir

[Geir Ágústsson, 1.9.2010 kl. 10:50]

Er helmingaskiptapólitíkin horfin með þessum ráðherrabreytingum, að þínu mati?

[Auðbergur Daníel Gíslason, 1.9.2010 kl. 11:05]

Aðdáun þín á ríkisstjórninni er óhugnanleg!

[Guðjón Sigþór Jensson, 1.9.2010 kl. 20:56]

Ekkert bendir til á núverandi ríkisstjórn hafa annarleg sjónarmið varðandi meðferð valds.

Ríkisstjórn Sjálfstæðisflokks og Framsóknarflokks undir forystu Davíðs Oddssonar tók oft umdeildar ákvarðanir án þess að bera þær áður undir þjóðina.

Man einhver framsóknarmaður eða íhaldsmaður eftir því hverjir gerðu kvótann að söluvöru? Eða ákvað að rjúka í byggingu Kárahnjúkavirkjuna? Eða lýsti yfir stuðning við umdeilt stríð í Írak sem leysa hefði mátt án blóðsúthellinga? Og ekki síst: man nokkur úr þeirra ranni hverjir ákváðu að einkavæða bankana og hafa allt eftirlit með fjármálum þjóðarinnar í höndum á steinsofandi mönnum?

Er ekki hættan frá hægri? Mætti biðja fremur um vinstri stjórn! Svo virðist vera hlutverk vinstri stjórna að hreinsa til eftir hörmunarárin þegar braskaranir fengu að leika lausum hala á kostnað okkar hinna. Þeir fóru með fjármálin og þar með sparnaðinn okkar til andskotans og virðist ekkert mega koma neinni ábyrgð á þessa þokkapilta.

Mosi

[Haraldur Haraldsson, 1.9.2010 kl. 21:41]

Enda engin baraátta um völd??? .þetta er bara hlægilegt/Kveðja Halli gamli

[Guðjón Sigþór Jensson, 6.9.2010 kl. 16:03]

Halli:

Mér er ekki hlátur í hug. Bankahrunið er grátlegt dæmi um hversu sumir stjórnmálamenn töldu sig vera að gera rétt þegar þeir voru í raun að taka kolrangar ákvarðanir.

Mosi

[Haraldur Haraldsson, 6.9.2010 kl. 23:32]

Eins og þú hlýtur að skilja er ég ekki að hlæja að hruninu,alls ekki en að þessi hreina vinstri stjórn sé frí af baráttu um völd er  mjög svo brosleg/Kveðja Halli gamli