Órúleg mannvonska

Þegar þröngsýni og blind trú koma saman er ekki von á góðu. Þessi stúlka fær alla samúð okkar sem viljum aukið umburðarlyndi og betri skilning á högum annarra.

Þessi stúlka hefur verið beitt áþekku ofbeldi og þegar grimmdarleg refsigleði var ríkjandi, já líka á Íslandi fyrr á öldum. Á tæplega 140 ára tímabili frá upphafi 17. aldar og fram undir miðrar þeirrar 18. var 18 konum drekkt í Drekkingarhyl fyrir sáralitlar sakir. Þær áttu það allar sameiginlegt að ala börn utan hjónabands og þær voru allar fátækar. Varla telst það til glæps nú í tímum. Ekki er ólíklegt að allar þessar konur hafi sætt kynferðislegri áreitni og jafnvel verið nauðgað af ríkum bændum eða öðrum sem höfðu tækifæri að bera fé í sýslumenn og múta þeim.

Samfélag fyrri tíma á Íslandi var karlasamfélag þar sem blind refsiharka og ómild þröngsýni réð ferð. Í mörgum löndum, þ. á m. Afganistan er mannúðin ekki komin lengra en raunin er.

Óskandi er að alþjóðasamfélagið rétti hlut  sem fyrst þeirra sem misrétti eru beittir.

Mosi

Afskræmd afgönsk stúlka fær ókeypis lýtaaðgerð

Athugasemdir

[Hákon Jóhannesson (IP-tala skráð) 7.8.2010 kl. 00:45]

Góð hugleiðing :-)

[corvus corax, 7.8.2010 kl. 06:05]

Þessi hryllilega meðferð á konunni skrifast beint á afskræmda ofsatrú múslima og rangtúlkun á bókstaf spámanns þeirra sem hefur þó ekki verið neinn engill sjálfur.

[smg, 7.8.2010 kl. 10:00]

Lítur út fyrir að orðatiltækið "get over it" sé ekki til í orðaforða talibanskra eiginmanna.

[kri (IP-tala skráð) 7.8.2010 kl. 10:27]

Svona er þessi Islam trú gerir menn brjálaða

[Sigurbjörn Friðriksson, 7.8.2010 kl. 10:44]

Er ekki hringt á lögregluna ef stúlka eða drengur undir 18 ára aldri fara að heiman í óþökk foreldranna og myndbirting á eftir í fjölmiðlum?  Sú var tíðin að þegar ég var ungur (yngri) að þá var sjálfræðisaldurinn bundinn við 16 ár og þá gat hver sem orðinn var 16 ára ráðið sínum dvalarstað og ráðið sig í vinnu.  Réði einnig hvort hann eða hún gengu áfram í skóla eða hvaða skóla að eigin vali. 

Nú þegar ungt fólk er þroskaðra mun fyrr, verður það oft í eigin óþökk að dvelja í foreldrahúsum, hvort sem foreldrarnir eru sæmdarfólk, drykkjumenn, ofbeldisfólk eða dópistar og þar fram eftir götunum.

Ég tel að breyting á sjálfræðisaldrinum til hækkunar hafi verið slæm tímaskekkja.

P.S.  Þetta þemur blessaðri Afgönsku stúlkunni sem frétt Bandaríkjamanna til að réttlæta áframhaldandi veru sína í Afganistan er, ekkert við.

Kveðja, Björn bóndi