Biðjum fyrir ríkisstjórninni!

Ríkisstjórn Sigmundar Davíðs vill reka ríkið eins og rússneskt hænsnabú. Allta á að stemma hvort sem miðað verði við 5 ára áætlun eða 10 ára áætlun. Fjárveitingar eiga að duga þrátt fyrir harkalegan niðurskurð! Skorið er niður í heilbrigðismálum, félagsmálum, menntamálum, samgöngumálum, umhverfismálum og öðrum velferðarmálum. En Sigmundur Davíð vill auka fjárveitingar til hernaðarklúbbsins Nató!

Íslenska þjóðkirkjan hefur lengi beðið fyrir ríkisstjórninni og forseta landsins. Ekki veitir nú af því þessir aðilar hafa oft tekið einkennilegar og umdeildar ákvarðanir.

Og nú vill Sigmundur Davíð strika út bænir og annað í RÚV rétt eins og það komi að einhverju gagni í niðurskurðarplönum og áráttu hans.

Íslenska ríkisstjórnin undir forsæti Sigmundar Davíð minnir nokkuð á óheflaða götustráka sem vita ekkert hvað þeir vilja en það með fullum krafti! Þar eru teknar ákvarðinir með hroka og óbilgirni rétt eins og búið sé að innleiða einræði Sigmundar Davíðs & Co.

Mætti guð almáttugur koma vitinu fyrir þessa ríkisstjórn og innleiða hliðstætt lýðræði og mannréttindi eins og var komið hjá íslensku þjóðinni á árunum 2009-2013 .

Biðjum fyrir ríkisstjórninni! 

Þjóðin vill hafa Þjóðkirkjuna í friði

Sauðfé fyrir alla!

Lengi vel hefur sauðféð verið eitt það mikilvægasta fyrirbæri í íslensku samfélagi. Allt daglegt líf allan ársins hring fór eftir þörfum sauðfjársins, ástin til sauðkindarinnar hefur lengi verið það mikil að ekki þótti sérlega skynsamlegt að hallmæla sauðkindinni og þörfum hennar.

Það var lengi erfiðleikum háð að planta trjáplöntum, sauðkindin fékk að ráfa um allar koppagrundir milli fjalls og fjöru, nagaði allan gróður niður í rót og allir áttu að sætta sig við það.

Fyrir um aldarþriðjungi var tekið á því vandamáli að hér var of mikið sauðfé fyrir í landinu. Forystusauðir Framsóknarflokksins gengu í ríkissjóðð og greiddu niður sauðfjárafurðir bæði innanlands og til að selja á yfirfullum mörkuðum austan sem vestan hafs. Þetta var kallaður sósílaismi andskotans enda hefði veirð unnt að nýta skattfé betur en í þessa vitleysu.

Sauðkindin komst næst því að vera ósnertanleg eða heilög rétt eins og kýrnar hjá hindúum á Indlandi.

Nú hefur verið komið fyrir suðfé í Mosfellsbæ sem útbúið hefur verið úr nóapanplötum. Þetta er merkilegt framtak enda étur sauðfé þetta hvorki gras né skógarplöntur. Smiðirnir sem þarna eiga hlut að máli gætu ábyggilega markaðsett þessa tegund sauðkinda til allra þeirra sem ríka tilfinningu hafa borið til sauðkindarinnar og grætt vonandi eitthvað á vinnu sinni og hugmynd í leiðinni.

Ef eg bæri tilfinningu til sauðkindarinnar myndi eg fjárfesta í spýtukindum. Þær geta verið úti allan ársins hring og þeim verður ekki kalt og hungra aldrei.

Góðar stundir! 

 

 

 

Trékindur á vappi um Mosfellsbæ

Vigdís Hauksdóttir á að segja af sér!

Sennilega hefur aldrei valist jafnóhæf manneskja í starf formanns fjárveitingarnefndar Alþingis og Vigdís Hauksdóttir. Þessi manneskja er ein furðulegasta sending sem skilað hefur sér inn á Alþingi Íslendinga og eru þær þó margar furðulegar.

Vigdís þessi ætlaði að slá sjálfa sig til riddara gegn einhverri meintri spillingu eða hvað það hún vill nefna það en reynist vera tóm klámhögg í garð vandaðra embættismanna sem vilja stýra stofnunum þeim sem þeim er trúað fyrir með skynsamlegri stjórnun og hagsýni í samræmi við lög, markmið og tilgang.

Nú hefur þessi manneskja, Vigdís Hauksdóttir freklega  gengið gegn allri skynsemi.

Elín Björg Jónsdóttir formaður BSRB á þakkir skildar fyrir að reka vitleysuna til baka niður í formannsfrúna. Rök Elínar og sjónarmið ættu allir sem vilja fylgjast með íslenskum stjórnmálum taka til athugunar.

Best væri að Vigdís segði af sér sem formaður fjárveitinganefndar enda hefði Sigmundur Davíð varla getað valið verri mannesku í þetta starf. Pétur Blöndal hefði verið mun skárri og hæfari enda er hann vandvirkur og fer fram með hófsemi. 

Sakar Vigdísi um ofsa í garð opinberra starfsmanna

Nútímalegri vinnubrögð!

Umboðsmaður Alþingis hefur komið auga á að ekki er með öllu felldu í stjórnsýslunni í ríkisstjórn Sigmundar Davíðs. Siðareglum ríkisstjórnar Jóhönnu Sigurðardóttur virðist hafa verið ýtt til hliðar og svo virðist að stjórnarherranir vilja gera það og framkvæma sem þeim sýnist.

Þessi ríkisstjórn hefur sýnt í verki að hún er afturhaldsstjórn forneskjunnar, jafnvel af verra taginu. Sennilega hefur Ísland aldrei komist jafnlangt í lýðræðisháttum en undir ríkisstjórn Jóhönnu Sigurðardóttur. Það er mat Svans Kristjánssonar prófessors við Háskóla Íslands en það hefur verið verkefni hans í 4 áratugi að taka á þjóðarpúlsinum.

Umboðsmaður Alþingis hugsar eins og fagmaður sem vill að stjórnsýslan sé í samræmi við nútímakröfur þar sem lýðræði og mannréttindi eru virt.

Sigmundur Davíð og Bjarni Benediktsson vilja enga nýja nútímalega stjórnarskrá. Þeir vilja hafa þá gömlu áfram með kannski einhverju endurbótaklastri sem á að fara um hendurnar á einum afturhaldssamasta lögfræðingi landsins Sigurði Líndal.

þeir vilja ekki nútímaleg náttúruverndarlög meðan þau gömlu eru alveg nógu góð. Þetta er lið sem á heima á annarri öld en við flestir aðrir Íslendingar. 

Sigmundur og Hanna Birna fá bréf

Stoppum morðvargana!

Amnesty international hvetur almenning í öllum lýðræðisríkjum að þrýsta á John Kerry að stoppa hernaðarstuðning við ofbeldishryllinginn í Ísrael og Palestínu.

Þessi átök minna töluvert á spænsku borgarstyrjöldin en þá var það ríkisstjórn þýskra nasista og ítalskra fasista sem þar koma við sögu. Nú eru það Bandaríki Norður-Ameríku sem telja sig vera framarlega í borgaralegum réttindum!

 

Í fréttatilkynningu Amnesty segir m.a.: 

Bandaríkin eru langstærsti vopnasöluaðili Ísraels. Margvíslegur tækjabúnaður til hernaðarlegra nota, öryggismála og löggæslu er fluttur frá Bandaríkjunum til Ísraels.Önnur ríki sem einnig flytja vopn og annan hernaðarlegan varning eru m.a. Austurríki, Suður-Kórea, Ítalía, Indland og Kólumbía.

Frá árunum 2009 til lok árs 2013 fluttu bandarísk stjórnvöld margvísleg vopn og skotfæri til Ísraels að jafnvirði 773,853,826 bandaríkjadala. Samkvæmt upplýsingum frá Sameinuðu þjóðunum  um útflutning á hefðbundnum vopnum fluttu bandarísk stjórnvöld jafnframt 596 vopnuð og brynvarin farartæki,141 stór flugskeytakerfi, 192 herflugvélar og 128 herþyrlur, og 3,805 flugskeyti og eldflaugavörpur.

Þann 16. ágúst 2007 undirrituðu ríkisstjórnir Bandaríkjanna og Ísraels 10 ára samstarfssamning (Memorandum of Understanding), þar sem bandarísk stjórnvöld heita ísraelskum stjórnvöldum þrjátíu milljarða bandaríkjadala. Samkvæmt samningnum hljóta ísraelsk stjórnvöld þrjá milljarða bandaríkjadala árlega sem liður í fjármögnun bandaríska stjórnvalda til hernaðaruppbyggingar á erlendri grundu (Foreign Military Financing/ FMF). Styrkurinn sem fellur undir þennan hluta samningsins felur í sér kaup á bandarískum varnarbúnaði, herþjónustu og þjálfun. Auk þessa fjárhagslega stuðnings taka bandarísk stjórnvöld þátt í hernaðarlegum rannsóknum og vopnaþróun í samstarfi við ísraelsk stjórnvöld. 

Allir geta lagt hönd á plóginn með því að verða við ákalli Amnesty international. Slóðin er:

http://www.netakall.is/adgerdir/bandarikin-stodvi-vopnaflutning-til-israels?CacheRefresh=1 

Barn lést og 30 manns særðust

Agalaust bruðl

Ljóst er að þessi dægurlagakeppnishátíð er komin út í slæma bilindgötu. Nú verða dönsk stjórnvöld að taka á þessu enda ekki unnt að sækja fjármuni til gömlu nýlendunnar lengur eins og fyrrum.

En er þetta ekki eins og efsti hluti ísjakans í opinberu bruðli?

Við Íslendingar getum litið í eiginn barm og líta má á utanríkisþjónustuna. Hvar í veröldinni skulu vera sendiráð fyrir hverjar 10.000 íbúa? Við erum ekki nema þriðjungur úr milljón en samt erum við að reka utanríkisráðuneyti með um 30 sendiráð. Og nýjasta nýtt er að ráða einn helsta fjármálaskussa landsins sem sendiherra!

Geir Haarde er sagður hafa háa menntagráðu úr virtum bandarískum háskóla í hagfræði! (Skrá yfir þingmenn Alþingis: http://www.althingi.is/altext/cv/is/?nfaerslunr=162). Þessi maður var æðsti embættismaður íslenskrar stjórnsýslu en gerði akkúrat ekkert til að forða landi og landsmönnum frá bankahruninu þó svo að æðstu valdamenn Sjálfstæðisflokksins vissu allt frá febrúar 2008 að ekki væri unnt að bjarga bönkunum!

Í augum margra er þessi nýjasta ákvörðun ríkisstjórnarinnar ein sú furðulegasta að ekki sé dýpra tekið í árina. Og þessir valdamenn verða að viðundri í veröldinni þegar í ljós kemur hvaða hrikaleg afglöp þessi maður á að baki.

Á Íslandi er skussinn hafinn upp til skýjanna! 

Eurovision rekin með miklu tapi

Skussinn verður sendiherra!

Geir Haarde var lengi fjármálaráðherra á valdatíma Sjálfstæðisflokksins og Framsóknarflokksins. Eitt af „afreksverkum“ hans sem fjármálaráðherra var einkavæðing ríkisbankanna Búnaðarbanka og Landsbanka sem eins og kunnugt er lentu í höndum ótýnds braskaralýðs sem þó virðist hafa greitt vænar summur til flokka þessarra.

Ekki seinna en í febrúarmánuði 2008 var ljóst að bankakerfinu á Íslandi var ekki bjargandi. Geir Haarde sem forsætisráðherra sýndi af sér gríðarleg afglöp með því að aðhafas ekkert, ekki nokkurn skapaðan hlut, þrátt fyrir að Davíð Oddsson þáverandi seðlabankastjóri mun hafa bent honum á grafalvarlega stöðu mála.

Allir landsmenn vita hvað gerðist um haustið. Ljóst var að unnt hefði verið að koma að einhverju leyti í veg fyrir að bankarnir og fyrirtækin væu étin að innan. Lánasjónarmi bankanna vor7 vægast mjög umdeild. Hvernig gat t.d. breskur braskari, Robert Tschngis nað í 46% af öllum útlánum stærsta bankans, Kaupþings?

Var hægt að koma í veg fyrir allt þetta brask og alla þessa áhættu?

Ákvörðunarvaldið var hjá Geir Haarde og Davíð Oddssyni sem hvorugur gerir nokkurn skapaðan hlut. Báðir telja best að þegja og gera ekkert!

Þjóðinni blæddi. Og þjóðin tók á sig skellinn!

Og nú er skussinn hafinn upp til æðstu metorða - á ný!!

Á kosnað hverra?

Framsóknarflokksins?

Sjálfstæðisflokksins?

Braskaranna?

Eigin verðleika? 

Nei - á kostnað okkar allra hinna sem greiða skattinn okkar skilyrðislaust til ríkissjóðs!

Skussinn er orðinn að sendihrra! 

Bravó fyrir skussum allra Íslendinga! 

Geir Haarde sendiherra

Óhugnaður afleiðinga vopnasölu

Bæði Bandaríkin og Ísrael standa tæpt og eru tæknilega gjaldþrota. Gríðarlegir hagsmunir vopnaframleiðenda og vopnasala halda báðum þessum ríkjum uppi. Á meðan er teflt á tæpasta vað að ná hernaðarlegum yfirburðum.

Þó svo Ísraelsríki vinni hernaðarlegan sigur á Palestínumönnum er sá sigur sá lævi blandinn. Samúð heimsins liggur að mestu hjá Palestínumönnum sem hafa þurft að sæta mikillri kúgun þeirra hernaðarafla sem nú stýra Ísrael.

Í stað friðsamlegra samskipta hefur verið alið á stríðsótta Ísraels gagnvart nágrönnum sínum. Fyrir aldarfjórðungi eða svo fengu leiðtogar beggja ríkjanna friðarverðlaun Nóbels og flest benti til að leitað yrði sameiginlegra leiða til friðar og framtíðar.

En friður er eitur í eyrum hernaðarsinna. Það er það versta sem getur spillt vænlegum viðskiptum með vopn og hernaðartæki. Þessi öfl hafa fengið að vaða uppi meðan þeir sem vildu reyna friðsamlegar lausnir hafa verið bolað í burtu. Nú er sami hugurinn og hjá Adolf Hitler og nótum hans á sínum tíma að leyfa vopnunum að tala. Adolf taldi sig allt vera heimilt en rak sig á almenningsálitið sem var á móti honum. Mjög gróf hernaðarstefna ísraelskra yfirvalda mun að öllum líkindum koma þeim í áþekka stöðu!

Því miður hefur heimurinn setið uppi með öll þau vandamál sem framleiðendur vopna hafa komið gjörvallri heimsbyggðinni í. Við Íslendingar gætum lagt okkar skerf með því að vísa til að vopnleysi okkar hefur fært okkur betri árangur en nokkurn tíma hefði unnist með einhverju vopnaskaki. 

Vopnin hafa þá einkennilega áráttu að snúast í höndum þeirra sem þeim beitir!

Með veikri von um betri framtíð bæði Ísraelsmanna og Palestínumanna! 

En án vopnaviðskipta! 

Ísraelar hefja sókn á landi

Ósanngjarn samanburður

Talsmaður fjárplógsmanna við Mývatn telur sambærilegt að taka gjald af ferðamönnum hvort sem lagt hefur verið í fjárfestingar eða ekki.

Í Vatnshelli hefur öflugur stigi verið byggður þar sem öryggi ferðafólks er talið vera mjög mikið.

Í Námaskarði hefur ekki verið fjárfest í einni einustu fjöl til að greiða götu ferðamanna né forða þeim frá stórslysum!

Hefði talsmaður fjárplógsmanna fyrst lagt út í fjárfestingu að gera vinsælt ferðamannasvæði við Námaskarð aðgengilegt og öruggt gagnvart óhöppum þá hefði að öllum líkindum lítið verið amast við hófsamri gjaldtöku. Við skulum minnast þess að allt sem þarna hefur verið gert var fjármagnað af opinberu fé gegnum Ferðamannaráð.

Fjárplógsmenn ætla sér að verða ríkir á kostnað annarra rétt eins og „útrásarvíkingarnir“, nú á að féfletta ferðamenn án þess að veita þeim minnstu þjónustu! 

 

„Náttúrupassinn gekk ekki upp“

Furðuleg fjárplógsstarfsemi

Þegar tekin er þóknun fyrir eitthvað þá eru einhver gæði veitt á móti.

Við Námaskarð sem sumir vilja nefna Hverarönd hefur verið gjaldtaka fyrir aðgang að svæðinu. Eg hefi tvívegis verið þarna, 6.7. og aftur 14.7. sem leiðsögumaður með ferðahópa.

Á þessum vinsælu ferðamannastöðum hefur frá í vor verið rukkað inn gjald fyrir akkúrat ekkert neitt. Þarna hefur ekki einni einustu spýtu verið komið fyrir á þessu umdeilda svæði í þim tilgangi að greiða götu ferðamanna. Kunnugt er að þegar raki er í lofti breytist svæðið í eitt allsherjar drullusvað þar sem ferðafólk á ferð um Ísland er í hættu við að hrasa í drullunni og þess vegna slasast t.d. að renna ofan í heitan hver. Þarna er auk þess 2 grjóthrúgur með miklu gufustreymi þar sem 100C heit brennisteinsgufa getur auðveldlega valdið mjög miklum skaða. Engar leiðbeiningar, engin varúðarmerkingar né vísbendingar um að um stórvarasamar aðstæður eru þarna.

Og hver annar tekur ábyrgð á svæðinu annar en sá sem krefur mjög óhóflegs inngangseyris! 

Þegar einhver stofnar til fyrirtækis leggur hann til fjárfestingar til að selja vöru eða þjónustu. Tilkostnaður féplógsmannanna við Leirhnjúk og Námaskarð er nánast einungis fallin í kostnaði við innheimtu, ekkert annað.

Eina sem þessir aðilar hafa gert er prentn bæklings þar sem stendur:

„Help us protect our nature.“

Mætti breyta í: „Help us become rich as quickly of our nature!“

Lögbann lagt við gjaldtöku